E toru tau kua pahure, kei te tohe tonu i te hanganga o te ara pahikara mai i Hokianga ki Te Pewhairangi.
Ko tā tētahi o ngā mema o te whanau o Ngāpipito, ko Varron Armstorng nō te timatanga o taua kaupapa i kaha whakahēngia taua kaupapa e rātou. Ahakoa i te mohio rātou ki ngā pāinga mō ētahi ka puta i taua ara, ko te mea nui kia rātou ko te pupuri tonu i te mana whenua.
Mai anō te tīmata ūpoko pakaru ai te whānau kia kimi ara kē. E mōhio pū ana ki ngā hua ka taka mai, hēoi mā mātou tonu o mātou whenua e whakahaere, kaua mā te kaunihera.
Kua hoha kee a Warren Roger ki te hiahia a te Kaunihera kia parau he ara e kotahi ira kati rua kiromita te roa i te waenganui pū i tōna pāmu miraka kau.
Ko tāna kare te kaunihera i te paku whakāro mo te mana o te whenua, kā kī rātou tētahi ki te hau kainga, engari ka huri kē rātou ki mahi kē.
Taka mai ki tenei rā kahore tonu te nuinga o ngā iwi whai whenua i te rori o Ngāpipito e tautoko ana i te ara pahikara. Kua roa rawa rātou e āki ana i te Kāwana ā rohe kia whakatika ngā rori puehu nei ā nā tēnei āhuatanga hoki kei te titiro ano te Kaunihera ki te wāhi tika mō te ara pahikara e pai ai kia rātou me te hunga nō rātou hoki te whenua.
Ko tā te whanau Ngāpipito kua hiahia te Kaunihera ki te tīni i ngā ture iaianei, kua whai kaihoko rātou. Titiro ki ngā pahi kura, kua mate ngā tamariki ki te hīkoi iaianei.
Ko te hanga nei, ka roa rawa te tatari kia kitea he tino pāinga mai i te ara pahikara.