I tū rāua ki mua i te aroaro o te kooti ā-rohe o Ōtautahi i te marae o Ngā Hau e Whā.
Kua rahuitia ngā ingoa heoi ka tāea e mātou te whāki he whanaunga rāua, e noho tahi hoki rāua. Ko te mea pakeke o rāua he kaihanga, he kamupene hanga whare tōna, ko te mea teina he kaiwhakatakoto whāriki.
I tētahi pāparakāuta i Merivale i inu waipiro tahi rāua me Ryder, engari, i tutū te puehu. Ko te whakapae ia, i patua hūkerikeritia a Ryder e rāua i waho o te pāparakāuta, otira, i whatia te korotū, i raru hoki te pukapuka a Ryder.
Kāore tā rāua roia a Jonathan Eaton e whakaae ana ki ngā kōrero a ngā kaitaunaki, ki tāna i riro i a Ryder āna wharanga i a ia e taka iho ana ki te papa, otira, kotahi noa iho te mekenga i whiua e te tangata kua hara.
Kua hāmentia te mea pakeke ake mō te haupatu mō te hemo tonu atu, kua hāmenetia rāua tahi mō te patu tangata.