He ture ka whakamanahia hei te tuatahi o Whiringa ā-Rangi, e tohua ai me noho ki runga tūru kake mau tātua waka, ngā tamariki katoa tae noa ki te whitu tau te pakeke, he pikinga ake i te rima tau te pakeke.
He kaupapa tēnei i whāia e te rōpū Tamariki Haumaru o Aotearoa, ā, kātahi tonu te kāwana ka aro mai. Heoi, e ai ki taua rōpū, kei muri tonu tātou i ētahi atu whenua o te ao, he tekau tau kē te pakeke mō ngā tamariki noho tūru kake mau tātua.
Hei tā te kaikōrero mō Tamariki Haumaru o Aotearoa, he taonga a tātou tamariki, nā reira e tika ana kia whakapikihia ngā tau e noho haumaru ai rātou ki rō waka.
Kua whakaputahia ngā pānui ki te motu, mō te whakahōu i te ture, me ngā tohutohu anō kua tukuna ki ngā kura o te motu.
Ahakoa he huarahi tēnei ture hou hei anga whakamua i te kaupapa haumaru tamariki, kei muri tonu tātou i te ao e whaiwhai ana.
Ko te mea nui hei tā Tamariki Haumaru o Aotearoa, kia mārama te motu whānui ki ngā ture hōu, kia kaua te oranga o a tātou tamariki e tukua hei utu mō te kuare.