$12.6mil boost for Papakainga project

Kua whiwhi āwhina te Papa kāinga o Te Whānau o Turner i Te Hononga Whare Māori. Ā, ko te whakatau hoki a Te Pāti Māori i te rā nei, ka rahi ake tā rātou puna pūtea mā te tekau mā rua ira ono mīriona tāra i ngā tau e whā kei te heke.

He tōmina kua roa te wā e moe ana i tēnei kaumatua mō tāna whānau, kua tata oti. Kia whakatū he taonga tuku iho mō ngōna uri.

E ai ki tētahi kaiwhiwhi o ngā wharehou a Hone Turner, “Kia noho kotahi ai māua me aku tamariki me ngā mokopuna i raro i te whare kotahi.//Kia tāea e mātou ki te ako i a rātou, ērā mahi katoa, mahi kotahi ai rātou.  Pēnei tonu i ngā wā o rātou mā i noho mai, mai i ērā wā.”

Kua toru tau te whānau e mahi ana ki te hanga i tō rātou whare hou, e iwa ngā rūma, mō ngā pakeke tekau me ngā tamariki e iwa, i runga i tō rātou papawhenua, e whitu RAU rua tekau MANO tāra noaiho te utu.

Mā te tautoko, pūtea hoki a te Māori Housing Network i Te Puni Kōkiri.  Ka rahi ake te puna pūtea mā te tekau mā rua ira ono mīriona tāra, hei ngā tau e whā.

Hei tā Te Ururoa Flavell te Minita o te Tari Whakawhanake Māori, “Kei te tohe tonu te tohe, kia whakarahi ake, Kia whakamomona ake tērā o ngā pūtea.Ināianei kua piki haere te pūtea mō ngā kaupapa pēnei i tēnei.”

Ā tērā wiki tīmata ai te hanga i te whare hou ki kōnei.  E matapae ana ka oti hei te marama o Tīhema, kia whai wāhi ai te whānau ki te whakanui i tō rātou kirihimete tuatahi i roto i tō rātou kainga hou.