180 volunteers to look after guest at Te Matatini o te Ao

Tema Hemi

Ko te ra tuatahi tēnei e kite ai ngā kaituao o Te Matatini ki te Ao i ngā kapa ka tiakina e rātou. Ko te mahi whakahaere i ngā kaituao he uaua engari ma te whakatakoto māhere ka angitu ai rātou ki te tutuki i ngā mahi katoa. Kei a Tema hemi te roanga atu. 

Ko te manaki i ngā iwi te aronga matua mō ēnei kaituao. Ko Te Kāwai Raupapa he kaupapa na Te Wānanga o Aotearoa. I āhei ai ngā kaituao te ako haere i o rātou turanga mahi, i whai mōhiotanga hoki rātou ki ngā kapahaka ka manakitia e rātou. I eke ngā mahi a ngā kaituao ki taumata kē, ko te manaaki tika i ngā manuhiri te take. 

Ko tā te kaiwhakahaere kaituao a Hollie Pohatu, "Kia matua mōhio ngā kaituao ki ngā manuhiri ā kia tika tonu o mātou mahi. Ki amōhio mai mātoi ko wai rātou, i ahu mai i hea, ka mutu e whakakanohi rātou i a wai. Nōreira me mōhio ki me pēhea te whakaea i ngā mahi katoa arā ko te manāki tangata. E whitu tekau ma rima te tokomaha i oti i te kaupapa Te Kāwai Raupapa hēoi he iti noa iho tēra tokomaha ki te rahinga o ngā kaituao ka mahi ki Te Matatini ki te Ao. E kotahi rau waru tekau ngā kaituao ka mahi i roto i ngā ra e rima e kainamu mai nei. I kōrero tahi ngā māngai a ngā kapa ki ngā māngai o ngā rohe mai i te marama o Akuhata i tērā tau nōreira kua whai hononga inaianei. Kia whai pahi ma rātou, whai wāhi parakatihi. Ehara i te mea he maha ngā marae ki konei nōreira ko te mahi nui kia whai wāhi ma rātou e noho mōtēra ana.

He kōrero nui tā Pohatu ki te marea ka tae mai ki Te Matatini ki te Ao, "Pūroi kore, auahi kore, waipiro kore engari ka taea te haria mai ngā pouaka kai. Ko te mea nui me whai kuru taima."