$3.8 miriona tāra te utu o te hē o te Manatū Hiato

He nama kua whakakahorengia e te manatū whakahiato ora kia murua ō rātou hara. 

Kātahi te hapa nui, he toru ira waru miriona tāra te wāriu o te nama kua horoia mai ngā pukapuka a Te Manatū Whakahiato Ora.  

E ai ki te manatu hiato nō rātou te hē.
Koni atu i te kotahi mano tāngata i whiwhi i ngā penihana e rua mai Hōrana me Aotearoa inā i tāparahia ngā utu mai i nga whenua e rua. Hei tā te tari anō ehara nō te hunga whai penihana te hē heoi anō he whakatika wawe i te hapa.  

Hei tā te māngai mō Te Manatū Hiato, tā Dwina Dickinson, koni atu i te tekau mā whitu piriona tāra te wāriu o te pūtea ka tukua ki ngā  manomano tāngata ia tau, ā hei tāna kāore e kahore ka taka a tangata ki te hē. Erangi koia tonu te pātai, e pai ana ngā tari kāwanatanga utu moni tākeki te kī kāore e kahore ka hē i te maha o ngā tāngata whai penihana.