Ancestral kumara gardens replanted on Matakohe Island

Ki Te Taitokerau, neke atu i te kotahi rau rima tekau tau kua pahure nō te wā o ngā māra kūmara a Te Ihi-o-te-rangi ki te motu o Matakohe. Nō te rā nei, ka hoki atu ngā uri o Te Parawhau ki reira, ki te timata anō i te mahi whakatō kūmara ki ngā māra a tō rātou tupuna rangatira. 

Ka hia nei nga whakatupuranga no te wa i huri ai te whenua ki runga o Matakohe hei whakato kumara.

Hei tā Pereri Tito (Te Parawhau), “Hei whakamaumahara kia ratou ma o nga tupuna i te wa o ratou hei whakato mai nga kumara o konei. e tarai ana matou ki te pikau i etahi o nga ahuatanga o nga kupu korero o ratou ma nga mea i tuku ia ratou kia matou kia tatou nga uri whakaheke.”

E kite tonu ra nga tohu o nga maara whanui ki te taha kotiu o Matakohe no te wa i nohohia tenei pa e te tupuna a Te Ihi-o-te-Rangi i tera atu rautau.

Hei tā Jamie Hancox, Kaiwhakaako, “This taonga that we're planting here today has travelled with Polynesian people, our tupuna for centuries. It sustained people. There’s been battles, there’s been celebrations, all around this super important kai.”

Ko tetahi o nga mara maha o tenei rohe no te waa o nga tupuna.  I te ra nei kei te whakatongia ano e nga uri ki te taputini me te hutihuti.

He maara tawhito hoki ki raro i nga whakahaere a Te Pouhere Taonga mea tono marika hoki kia ahei ai te whakatupuria ano e nga uri.

Aini ra ka kite ano nga hua o te mahi i tenei ra mo nga ra kei te haere mai ki runga i tenei te motu a Matakohe.  A te wa ka whakatupu haere nga kumara huri noa koia tena te mea kei roto ia matou.