Cunliffe rules out Māori Party

I wīwī, i wāwā a Te Ururoa Flavell i tēnei rā, e rapu ana i te tautoko, heoi ko tā te tū a te rōpū Reipa kei tō rātou ake tangi tōrangapū.

Hei tā Ururoa Flavell, “Kua whati te taura here ki a Reipa i tēnei wā, ko wai ka mohio mena ka tāea te herehere anō i tērā ara whanaunga hei ngā tau kei mua i te aroaro.” 

Taketake ake, i ngā kōwhiri pōti ō mua ko tā Te Waiariki he tuku i te pōti ā rōpū ki a Reipa.  Ki tā David Cunliffe ki te ārahi ia i te kawanatanga hōu tuatahi ake ko ōna hoa ārahi, ko ngā Kākariki me Aotearoa tuatahi.

Ko tōna tikanga i konei te rōpū tōrangapū Māori i tēnei rā, e whakatūwhera ana i wā rātou kaupapa hauora engari nā runga i ngā kōrero kua puta mai a David Cunliffe ō Reipa, kua hiki tērā kaupapa, ā, kua whakairihia ki te tāhūhū o tēnei whare mo tētahi atu wā. 

Ki tā Te Ururoa Flavell, ahakoa he kōrero nui tēnei kua puta me te ohorere, e kore rawa te rōpū tōrangapū Māori e kati ana i te kūaha ki a Reipa.

He ohorere tēnei whakatau ki te rōpū tōrangapū Māori, ahakoa kei mua ngā kōwhiringa pōti i ngā wiki e tū mai nei i tēnei ao tōrangapū, ko wai ka hua.