DoC staff learn Waikato River history first hand

Mō te wā tuatahi ka hikoi ētahi kaimahi o Te Papa Atawhai i ngā tapuwae o ngā mātua tīpuna kia ako ai i ngā kōrero tukuiho mō te awa o Waikato.  He mea whakarite nā te tarahiti mō te awa o Waikato, he tira hoe hei whakatutuki i te hiahia o Waikato-Tainui, kia toitū ai te whanaungatanga ki taua tari kāwana rā.

Waikato Taniwharau - he puna oranga, he puna kai me te ara matua i hoea e ngā mātua tūpuna o Waikato.  E hoea ana e ngā rangatira me kaimahi o Te Papa Atawhai mō te wā tuatahi.

Hei tā Moko Tauariki, Māngai, Tarahiti o te Awa o Waikato, "Ka taea e rātou ki te kite i ngā tino āhuatanga ā wairua, ā kitenga, e pā ana mō ō tātou nei awa.  Ka taea hoki e rātou ki te kite ngā wāhi tapu, mai i te pito o te awa."

Kua tekau mā ono tau nō te hainatanga o te whakataunga mō te awa o Waikato, ā, ko tōna orangatonutanga te kaupapa nui mō te iwi.

"He tūpuna tēnei anō tō mātou nei awa, kāore he wai noaiho, nō reira, tēnei pito o Te Puaha, ka taea hoki e rātou ki te kite te tiko ki roto me te haunga o te kakara, nā ko koe anō e mau tahi anō te wahanga mo te pūtea, me huakina tō kite pūtea ki tēnei pito o tō mātou nei awa," te kii a Tauariki.

He mea tautoko e Te Papa Atawhai.

E tekau mā rima kiromita kei te toe ki te hoe, engari e whakaae ana a Waikato-Tainui me te Papa Atawhai mō tēnei haerenga, he tīmatanga noa.  

Hei tā Tauariki anō, "Ko te tino hiahia o mātou me whai whēnei ana ia tau, ko te ahua o te kāwana, ka tīni ana e rātou ngā tumuaki ngā māngai mō te Papa Atawhai mō te kāwana nē."