E ai ki te Kaunihera a te Karauna, hei aha te whakawā anō i a Teina Pora

updated Taroi Black
Teina Pora - Photo / file

Hei aha te whakawā anō i a Teina Pora, te karanga a te Kaunihera a te Karauna mō te pawheratanga me te kōhurutanga o Susan Burdett i ngā tau rua tekau mā rima ki muri.

Ka mutu, ko te tono utu rānaki ki a Pora mō ōna tau rua tekau neke atu i rō whare herehere e tohea e Te Pāti Māori. 

Kua puta he tuhinga mai i te Kaunihera a te Karauna mō tā rātou tutohu kia kaua a Teina Pora e whakawāngia anō mō te kōhurutanga o Susan Burdett.  He karanga e tautokona ana e Te Pāti Māori.

Nō te ata nei ka tuku atu te karere hou ki ngā taha e rua.  Me te whakapono a Fox, kia tuku whakapāha ōkawa nga pirihimana ki a Pora. 

I mauheretia a Pora mō te mahi pawhera me te kōhuru i te tau iwa tekau mā whā o tērā rau tau, i te tau ruamano anō hoki.

Kua rua tekau mā tahi tau a ia e mauheretia ana ka tukunga atu a ia.