E ākī ana ngā kainoho i ngā kaiwhakahaere o Raggamuffin kia haere tonu te konohete nei

Rahia Timutimu

E rere ana ngā whakaritenga kia tīmata kau ai te huinga o Raggamuffin ki Rotorua, ā, mō te hunga kāinga me ngā manuhiri kua tae atu, e rite ana rātau mō ngā whakangahau me ngā hihi o Tamanui-te-rā.

He tata i te tekau mā rima miriona tāra te pūtea ka uru ki roto o Rotorua nā tēnei whakahuinga, me te ākī a te hunga kāinga ki ngā kaiwhakarite kia noho tonu te kaupapa ki reira.

E wawata nui ana te haukāinga o konei kia noho ko Rotorua hei kāinga mō Ragamuffin, engari e huri ana te wā, ā, he tokoiti te hunga kāinga e hok ana i ngā tīkiti.

Ono tekau paihēneti o te hunga kei te hoko i ngā tīkiti Ragamuffin nō Tāmaki Makaurau ki te titiro whānui koe ki te tūāhuatanga, pai ake kia tū te huihuinga nei ki Tāmaki Makaurau.

Hēoi, mō ngā kaiwhakahaere, ko te hiahia kia nuku atu i te rua tekau mano te hunga ka tae mai.

Engari mō tētahi o ngā kaihoko tīkiti nō Tāmaki Makaurau, he pai ake te whakahaere i tēnei kaupapa ki Rotorua nā te me aka whai wāhi rātau ki te puta atu i Tāmaki Makaurau.

Nō Kaipara, Tāmaki Makaurau te pēne Soulja, koinei te pēne tuatahi ka whakarite i te kaupapa ki runga i te papa whakatūwaewae hei te ahiahi nei, ēngari ko te whetū maiangi, ko Shaggy.

Hei te tekau mā tahi karaka a tēnei pō ka mutu ngā mahi.