E anga whakamua ana te ao eke pahikara

Ruth Smith

E tūmanako ana te kaiako para-orimipia mō āpōpō ka pūāwai mai te para-eke pahikara ki roto o Te Taitokerau.  Kua whakawhiwhia a Kerry Reyburn ki tētahi karahipi kaiako e Para-Orimipia Aotearoa nō muri i te putuputuhanga mai o te mētara ki tana kaieke pahikara, ki a Nau Puriri,  Ināinei, kua puta te karanga ki te iwi whānui me kore noa e tahuri mai he kaieke pahikara mō anamata.

Ko te poipoi i te āpōpō o ngā mahi para-eke pahikara te aronga o Kerry Reyburn.

Ko te āhua nei e tutuki ana i a ia tēnei whāinga i te hui whakataki i tū ki Whangarei.

Ko Nau Puriri tētahi toa eke pahikara. He uri nō Ngāti Hine, otirā he kaieke pahikara kua tohua ki te kapa whakangungu mō te para-eke pahikara.

Ko tōna hiahia, ko te haere ki ngā Para-Orimipia, ā, e tūmanako ana a ia ki te whakakanohi i a Aotearoa ki Tōkio hai te tau 2020.

Ko tētahi whakaaro ko te tahuri ki pahikara kē, arā, ki te pahikara toru wīra.

I te mutunga iho, i tutuki pai te kaupapa, ā, ko te wawata ia ka tū ā-marama te hui nei.