E āwangawanga ana ngā Pirihimana he tūpapaku ano kei roto i te whare kua kaingahia e te ahi ki Kirikiriroa

He ope rapu kā hoki ki te whare i kainga e te ahi inanahi i runga i te whakapae he tūpāpāku anō pea kei roto, kāore anō kia hukea ake, i muri i te matenga o ētahi rangatahi tokotoru.

Kua hāere tonu ngā mahi whakakaha i te whare nei i tēnei rā, kia taea ai ngā Patuahi te kite i te hunga i mate.

I pōrarurarutia nga Pirihimana i ngā papahoranga a ētahi i puta i ngā ingoa o ētahi i mate i te ahi, a kaore rātou e tino mohio ana tokohia ngā tangata i mate tae noa atu ki te mutunga o ngā mahi whakatewhatewha.

Engari kua noho tonu ngā urupounamu ki nga mahi o taua po rā.

Kua karanga ake ngā Pirihimana ki te hunga i tae atu ki te po whakangahau i te whare ra kia whakamohio mai rātou he aha ngā nekenekehanga o taua po rā.