E āwhina ana a Auckland CCTV ki te whakatika moata mai i ngā hara

E koa ana ngā pirihimana ki te pokapū o Tāmaki i te whakatau ki te whakahaere i ngā kāmera i te ao i te pō mō ngā rā e whitu o te wiki, hei whakatika moata mai i ngā hara.  

 Mai i te wā ka tīmata ngā whakahaerenga nei i tērā Hakihea, kua hautoru te maha o te hunga hara kua mauheretia.  

Kua mau ki te kāmera i tērā rā whakatā.  He whakaahua nā Te Ope Whakaora e whakaatu ana i te huanga nanakia e tuku rāpihi ana ki tō rātou kāinga.

He whakakore i ngā mahi tūkino nei te take i whakatauria kia kā ngā kāmera ki konei i ngā wā katoa.

Ko atu i te ono rau ngā kāmera, whēnei i tēnei, e tū ana hurinoa i te pokapū o Tāmaki Makaurau, hei āwhina i ngā pirihimana ki te aukati i ngā hara hurinoa i te taone nui.

Kua toru tau ngā pirihimana e whakamahi ana ngā kāmera.  Nō te tau rua mano tekau mā whā, tokoiwa ngā kaihara i mauheretia i te marama o Tīhema, nō tērā marama, e rua tekau mā rima te hunga hara i mauhere.

He mea nui ngā kāmera i kitea i te matenga o Joanne Pert, i patua kinotia a ia nōna e oma ana i te rohe o Remuera.

E manako ana ngā Pirihimana kia maha ake ngā kāmera ki ngā taonenui me ngā rohe katoa o te motu.