E hāpai ana a Joeli Thacker i te kaupapa nānā ia i whakaora.

Tema Hemi

Tērā tētahi tāne nō Taranaki i noho kāinga kore i te wa i hūnuku mai ia ki Tāmaki ā inaianei e hāpai ana ia i te kaupapa nānā ia i whakaora. Ko Joeli Thacker te kaiwhakahaere o te wharekai ki Te Whare Mīhana ki Tāmaki. 

Tata ki te kotahi tau a Joeli Thacker i noho ki ngā tiriti o Tāmaki, katahi ia ka whai turanga mahi. I roto i te poautintini, i whai oranga a Thacker. He kai mahi whiwhi putea a Thacker, ko ia tonu e whakahaere ana i ngā kaitūao. Atu i te wha mano ngā kaitūao ka āwhina i te mīhana ia te tau. Kaore a Thacker i te tino mōhio i te anga whakamua hēoi ko te āwhina i te hunga pōhara tāna e ngākaunui ai. Ia te tau ka tukuna e te mīhana i te kotahi miriona whitu rau mano tāra te wāriu o ngā kai ki te marea. 
 

Anei ko tā Thacker mō tana turanga mahi ki Te Whare Mīhana o Tāmaki, "I whai turanga au hei kaimahi i te kihini i tētahi wharekai, i reira ka tipu te kōingo ki roto i ahau mō te tunu kai. Kua oti au i te tunu kai ki ngā wharekai inaianei, kātahi ka tonoa mai mōku mō tēnei turanga mahi. I te mutunga ake kei a koe te tikanga, i te wā i tuwhera mai tēnei turanga mahi ka āhei ahau te whakamahia i ngā pukenga i akona e au i roto i ngā tau hei whakahokitanga ki te hapori. Me whakatakoto māhere ki te whakahaere i ngā kaitūao, i te mea hoki ko te nuinga o rātou kaore he pukenga ki ēnei momo mahi. Hēoi ko te nuinga ka āta whakarongo ki tāku e tohutohu nei. 

Anei ko tāna anō mō te anga whakamua, "Kia iti noa iho te tunu kai koira te tumanako engari he rawe tēnei mahi i te mea ko au e tā koha ana ki te hapori, engari he maha ngā rōpu me ngā hōtaka ki konei ka uru atu au ki ērā kaupapa hei āwhina i te kaupapa."