E hia rau kua tuku mihi aroha atu ki a Jordan Kemp

Kihai ngā mahi a Tawhirimatea i Te Taitokerau i ārai atu i ngā tinirau tāngata no ngā mātāwaka o te motu i tau atu ki Otamatea Marae i runga i te karanga o Jordan Kemp kua hinga nei. 

Rere ana te wehi o ngā tauira o Auckland Grammar i te putanga mai o te waka tupapaku o Jordan Kemp i tona whare tupuna. 

I roto i te tinirau ki tēnei huinga tangata ko ngā taniwha o ngā uniana whutupaoro o Aotearoa me Te Taitokerau ano hoki.

Hei tā te koro a Kemp, "He nui ngā tāngata kua tae mai i ngā rā kua pahure ake nei he mihi nui ki te hunga kua hau mai." 

Ko ngā toki o te karapu whutupaoro o Otamatea ngā kaiwhakatau ia Jordan ki tōna takotoranga whakamutunga.  Kamutu, kua oti kee te whakarite i ta rātou kēmu whutupaoro a te Rahoroi e tu mai nei hei whakahonore i tō rātou hoa kua wheturangitia.

He poto noa tana noho ki tēnei ao.  No te ra nei ka ngaro i te tirohanga kanohi.