E kaha whai ana ngā toa hoko waipiro i a ratou raihana nā ētahi whāinga a te hapori whānui

I a Tāmaki Makaurau e ahu ana ki te whakarerekē i ngā āhuatanga hoko waipiro i te rohe, e kite ana te rōpū Waipiro Harm Action Group i ngā mahi a ngā toa hoko waipiro kia tere whāia ai e rātou ngā raihana hokohoko, i mua i te whakamanatanga o ngā panonitanga.

Koinei te whakaaro o ētahi ki te raihana kua tukuna ki te kamupene Thirsty Liquor kia whakatuwherahia ai tētahi toa hoko waipiro e tū tauaro tonu ana ki ngā kura o Southern Cross Campus ki Māngere.

Ā, koinei hoki te huihuinga kia mātau ai te tangata ki te tūtohinga waipiro e whakaarohia ana e Te Kaunihera o Tāmaki Makaurau.

He nui ngā wahanga o te tūtohinga nei, engari ko tana whāinga ko te whakaheke i ngā mahi tūkino nā te waipiro, kia tau hoki te rangimārie ki Tāmaki Makaurau whānui.

Ko tā ngā kaiwhakahāere, mā te waitohu i tēnei petihana kia iti ake ngā toa hoko waipiro me te tuku i ngā tono ki te tūtohinga waipiro, te hāpori e ora pai ai. 

He kotahi marama te roa e āhei ai te tono kōrero ki Te Kaunihera o Tāmaki Makaurau mō tana tūtohinga waipiro, hei te tekau ma ono o Hōngongoi ka kapi ngā tono-kōrero ki tēnei take.