E kipakipa ana a McKenzie

James Perry

E toru ngā kēmu e toe ana mō te kapa Chiefs kia u tonu rātou ki ngā whiringa whānui. Ka riro mā te whetu o te Kapa Ōpango, mā Damian McKenzie te kapa e ārahi i aua kēmu rā. Kei a James Perry te roanga ake. 

Hei tā Colin Cooper te kaiako o te kapa Chiefs, kua roa a McKenzie e noho rangatira ana ki te kapa, kātahi anō kua kite e te motu. Hei tāna anō, e inā ngā pukenga o McKenzie, kāore e kore koia te tangata tokānuku o te kapa.

E noho ana ngā Chiefs ki te tūranga tuaono i te whakataetae Super Rugby, hēoi e rua ngā hoariri nō Aotearoa e kainamu mai ana. Nō te pātata o te whakataetae, e āhei ana ngā Chiefs kia piki ki te tūranga tuawha. Hēoi, ki te hinga rānei rātou, ka mahue kē rātou i ngā whiringa whāiti. Hei tā McKenzie tonu, he mōhio nō ngā kaitakaro me aha kē rātou kia angitū ai rātou. Me puta ngā ihu kia matua uru atu ki ngā whiringa toa. Mā rātou anō rātou e kuhu.

Nā McKenzie te tūranga o Beauden Barrett i whakakapi mō te kapa Ōpango i te whakamātautau whakamutunga kia Wīwī. Hei tāna, i pārekareka ki ā ia tāua āhuatanga, hēoi e kipakipa tonu ana te ngākau kia hoki atu ki te Super Rugby ki te kapa Chiefs.

Hei te wiki nei tuki atu ngā Chiefs ki ngā Highlanders i Fiji, i mua i te hokinga mai ki konei ki Kirikiriroa tuki atu ki ngā Brumbies me ngā Hurricanes.