E matapakitia ana e ngā iwi o Mataatua te pire reo Māori

Me wete ka tika ngā here o Te Mātāwai ki Te Māngai Pāho me Te Taura Whiri i te reo Māori. Koinei tā Hemana Waaka o Ngāi Tūhoe ki te hui ā-rohe mo te Pire Reo Māori i tū ki ngā tari o Te Uru Taumatua ki Tāneatua.

Kua whai māramatanga ngā iwi o Mātaatua rohe mō te pire Reo Māori me te whakatūtanga o te pōari o Te Mātāwai.

I runga a Ahorangi Rawinia Higgins i te pōari arotake mo reo Māori, nā rātou i hanga ngā kaupapa whakahaere mo te pire reo Māori.  I roto i ērā kōrero i puta te whakaaro mo te waihangatanga o Te Mātāwai.  Heoi, i rere ngā māharahara mo ngā tari a te Karauna.

He pai ake ki ahau, me noho wehe tonu mai a Te Māngai Pāho, kei te noho wehe tonu Te Taura Whiri i te reo ko ngā mana kei a rāua kua mōhio, kua roa kē e haere ana tēnei kaupapa

Hey tā Rawinia Higgins, "Ki raro i te pire reo Māori hōu ka noho motuhake tonu ngā hinonga Karauna.  Ki te tū te pōari o Te Mātāwai, ka noho tahi ngā iwi me te Karauna ki te tiaki i te reo Māori."   

Ki te mana te pire reo Māori hei ture ka tū te hui tuatahi mo Te Mātāwai hei te mutunga o Māhuru i tēnei tau.