E mauru iho ana ngā tohu mate o te huango nā runga i tētahi ngongo kamakama hou

E mauru iho ana ngā tohu mate o te huango nā runga i tētahi ngongo kamakama hou.

Mā taua ngongo te tangata mate huango e whakamahara kia kai rongoā. E ai ki ētahi rangahau hou kāore ngā tāngata whakamahi i taua ngongo i te whakatūrorotia, me te aha kua heke iho te maremare me te tīmohu, ā, kei te pakari ake ō rātou tinana.

Ko te oro nei kei te āwhina i te mate huango o Kiana Hotere.

Nā te kamupene o Nexus 6 tētahi rorohiko iti i hanga. Ā, ka whaiwhai hāere taua rorohiko i nga wā e kai ai te tangata mate huango i tōna rongoā, kia kore ai ia e wareware.

Ko Aotearoa tētahi whenua e mātotoru ana te iwi mate huango. Hei tā Amy Chan ina kē te pai o ngā hua i roto i ngā rangahau a te Whare Wānanga o Tāmaki Makaurau.

Ko te tūmanako o Amy Chan ka kōrero ngātahi a Nexus 6 me ētahi rōpū aru moni, te kāwanatanga hoki mō ētahi kaupapa pūtea kia tau pai ai te oranga o ngā tāngata mate huango pēnei i a Kiana.