E poipoi ana ngā punanga Reo i te reo Māori o Ngā Kuki Airani i Aotearoa

Koinei te wiki whakanui i te reo Māori Kuki Airani ā kei te whakapau kaha ngā mātanga mātauranga nō te motutapu rā ki te whakaora i te reo taketake ki ngā kāinga i Aotearoa nei.

Hei tā Maarametua Teariki ko ngā tamarikiriki e pupuru ana i tō rātou reo Māori Kuki Airani me tō rātou ahurea.

E āmine ana te kaiwhakahaere nei o te Tira Mātauranga o Ngā Kuki Airani. Hei tā Tupou Manapori kei te whāingatia te reo e ngā kaiako e ngā māmā e ngā tupuna hoki.

E whakaako ana i te reo Māori i ngā punanga reo, i ngā kura tuarua, i ngā whare kura anō hoki.

E ai ki a Manapori, e whia kē ngā tekau tau rātou e kōkiri ana kia ako ai i te reo kuki airani i ngā kura tuatahi.

E tōminamina ana a Manapori ki te whakakotahi i ngā iwi nō ngā motu katoa i raro i te maru kia rūmaki ai te whakaako i te reo Māori kia ora ai mō ngā whakatupuranga e haere ake nei.