E rata ana a Kruger ki te rīpoata a Te Kāhui Tika Tāngata

Kua rata a Tamati Kruger ki te rīpoata a Te Kāhui Tika Tāngata.

Toru tekau mā tahi katoa ngā tono amuamu i tae atu ki te Kōmihana mō ngā urutomohanga o te tau 2007, nā whai anō te putanga o ētahi tūtohutanga āna e rima, e whai ana ki te whakangāwari i ngā pēhitanga kikino a ngā rangi kei tua.

Hei tā te Kōmihana Tika Tāngata ki te take, mai i te tau rua mano mā whitu, kua rahi ngā mahi whakatikatika i te take, me tā rātou e harikoa ana ki tā ngā pirihimana whakarerekē i ētahi o a rātou tukanga, kaupapa here hoki, kia kore ai e hua ake he āhuatanga anō pēnei i ngā urutomohanga.

E mārama ana te Kāhui Tika Tāngata e anga tonu ana ngā pirihimana me ngā rangatira o Tūhoe ki te whakatika i te hononga whanaungatanga.

Nā, ahakoa tā te kāhui he tautoko i tēnei tūāhuatanga, hei tā Tāmati, e kore pea e ea ngā nawe ki tēnei reanga ōna.

Heoi anō, tā Kruger e mea ana ko te mahi nui iāianei ki ngā uri o Ruatoki, ko te whakapiki i te whakapono me te mahi ngātahi ki te ture.