E tauawhi pai nei te iwi Māori i te tauwhainga Jiu-Jitsu o te motu

Kua whai wairua Māori te tākaro Brazilian Jiu-Jitsu hei tā tētahi kaimau i te tātua Pango.

Hei ēnei rangi whakatā tū ai te tauwhāinga Jiu-Jitsu Māori tuarua o te motu ki Te Tairāwhiti me te aha he mea e tauawhi pai nei e te iwi Māori.

He iwi whai pūkenga whawhai Brazilian Jiu-Jitsu te iwi māori.

Hei tā Heywood Kuka, “Kei roto i te toto, ngā whawhai o ngā atua, ngā whawhai o te whenua, kei roto I te toto Māori nei, ēnei āhuatanga whakapakari i o mātou pūkenga.”

He mea hāngai ki te huirtau kotahi rautau nō te tīmatatanga o te pakanga tuatahi o te ao, he whakanui i ngā hōia Māori me te hunga manene o te pakanga tuatahi me te rōpū Māori rua tekau mā waru o te pakanga tuarua o te ao.     

Ki tā Heywood Kuka, “He whakaaro pai, he whakaaro rangatira nō roto i ngā iwi taketake o tāwahi, kia hau mai nei ki roto o Aotearoa, kia whaiwhai haere i ngā momo parawhakawai o te ao Māori tawhito nei me te whātōtō me te mamau.”

Nōna tata nei tū ai te tauwhāinga New Zealand Grapplers, e ai ki a Sonny Te Wao kaiwhawhai MMA, BJJ, kaimeke hoki nō Tainui Waka, ko te urupare he whakatū huihuinga nā te Māori, mā te Māori.  

I tū te tauwhāinga tuatahi Māori ki Taranaki i tērā tau, hei ēnei rangi whakatā ka huri te kei o te waka ki te Tairawhiri, hei te tau e tū mai nei ka tū ki Rotorua.