E tipu ana te mānukanuka a ngā pirihimana i te aronui a ngā rangatahi ki te whakarite whawhai

E tipu ana te mānukanuka a ngā pirihimana i te aronui a ngā rangatahi ki te whakamahi i te pae pāho kōrero hei whakarite whawhai. I puta ēnei anipa ao ake i te pakarutanga o tētahi whawhai ā-māpu nei ki te takiwā o Manurewa.

E hanga mōrikarika ana ētahi taitamāhine ka mau i te kāmura, katahi ka tukua ki runga i a pukamata.

I kitea ngā tauira, e rima tekau, e whawhai ana nō Te Kura Tuarua o Manurewa i tētehi papawaka tata noa.  Hei tā te tumuaki tuarua o tāua kura, he utu kei te haere, mā ngāua tauira, nā rātou i hē, tae noa rā ki te whakatārewa

I karangahia ngā pirihimana ki te awhi atu nā te nui o te whawhai.  Otia, e kaha anipā ana ngā pirhimana i te whakamahinga o te pae pāpāho kōrero hei whakarite hara kē atu.

Kei te māharahara hoki te hapori.  I ngā marama e rua kua hipa, hāmenetia ana ngā tauira tokorua mō te patu i tētehi whawhai me ngā tauira ono tekau, i te papa tereina ki Orākei i tū, i tērā marama.

Hei tā Ariana George, “He āwangawanga nui tērā, nā te mea, tērā āhuatanga, te whakawhiti kōrero i runga i te pukamata, he mea āhua kino i ētahi wā, ka pā mai wēnā whakawhiti kōrero i waenganui i te whanonga o ngā taiohi, nō reira, koina tētahi mea me āta titiro.”

E haere tonu ana ngā rangahau a ngā pirihimana, kua tukuna tētehi o ngā tauira ki te ratonga hāpai i te hunga rangatahi. Kaore he whara i kitea.