E tiro atu ana te Taraipiunara o Waitangi ki a Tūhoronuku

Kahore he hokinga ma ngā hapū i ngā whakahaere toihara e tatu ai o rātou kereme. 

Koinei te ia o te whakahau a Te Rōpū Whakamana i te Tiriti o Waitangi kia noho ohorere ia ki te whakawaa i ngā whakahaere a te karauna i riro ai ma te rōpū Tuhoronuku te mana whakatatu i ngā kereme tiriti o Ngāpuhi.

Hei tā Pita Tipene, “E tino hari ana mātou ngā hapū ka tirohia iaianei na ngā mahi tutu a te karauna me te rawekeweke i te kaupapa o Ngāpuhi I te mutunga e whawhai ana a Ngāpuhi ki a Ngāpuhi na te karauna te mahi.”

E karangatia ana ko Te Paparahi o te Raki, e ono tau kua pahure no te timatanga mai o ngā kereme i kiia ai a Ngāpuhi ko Te Whakaputanga me Te Tiriti ōna pūtake ā kīhai hoki ngā hapū rangatira i tuku i o rātou mana ki tētahi kē atu.

Hei tā Pita Tipene, “Kei kona ano ngā kaupapa kua oti kē ia matou te whakatakoto ki te Kāwanatanga engari i taka ēna whakaaro i runga i ngā taringa turi me ngā kanohi kāpō, na reira e tatari ana a Ngāpuhi kia anga mua ai te kaupapa.”

Ma te wa ano e kitea ai mena ka timata ano ngā whiringa mo te mana whakatatū i ngā kereme o Ngāpuhi.