E tuwhera ana ngā tāpaetanga mō Pikihuia

Tema Hemi

E whakatenatena ana Te Rōpu Tuhituhinga Māori i ngā kai tā i te kupu ki te tuku ā rātou pakiwaitara mō ngā tohu whiwhinga Pikihuia i tēnei tau. E ono ngā wāhanga hōu ā kua whakahou i te kaupapa kia whai wāhi atu ngā kaitito Māori ahakoa te iti rānei o a rātou wheako i ngā mahi tuhituhi.

E whakatairanga ana i o tātou kōrero ki te ao me te hanga hurahi ma ngā kaitito Māori o āpōpō. E noho muna ana ngā mahi a ngā kaiwhiriwhiri hēoi he kāhui rongonui i ngā mahi tuhituhi ā ia te tau ka pokea rātou i ngā tāpaetanga, atu i te toru rau. E whakārohia ana e Te Rōpu Tuhituhinga Māori ki te anga atu te titiro ki ngā kaitito me a rātou tuhinga ka rongohia ki Te Matatini hei ngā tau kei te eke mai. Ka whakaputa ngā tuhinga a ngā toa ki ngā whiringa pakiwaitara a Huia, he kohinga ēnei a ngā kaitito Māori ka whakaputaina mai e Huia Publishers. 

Ko tā te kōrero a te heamana o Te Rōpu Tuhituhinga Māori he kaiwhiriwhiri hoki a Robin Bargh, "I tēnei wa i whakārohia e mātou kia tuwhera tēnei kaupapa ki te katoa ā ka whakataetae atu rātou ki te hunga e noho ōrite ā taumata nei. Me maumahara ka tika i te tino putake arā ko te whakatairanga i ngā kōrero Māori ki te ao. Kei ia wāhanga he kaiwhiriwhiri. Ko ngā kaiwhiriwhiri i tenei tau ko Paula Morris, Whiti Hereaka, ko ahau māua ko Poia Rewi ngā kaiwhiriwhiri o te wāhanga Te Reo Māori. Ko te aronga matua kia whai i tētahi tino pakiwaitara.

Anei anō ta Bargh me ana whakāro ki te hopu i ngā titonga ka puta i Te Matatini, "Ko te take he maha ngā titonga ka ahu mai i Te Matatini koira o tātou kōrero, he kōrero Māori, he kōrero i te reo Māori ka rongohia i taua whakataetae nōreira i te whakāro mātou me pēhea te hopukina te whakaputa hoki i ēnei kōrero.