E whā ngā takiwā o te motu kua āta tirohia i roto i tētahi pūrongo a te Ope Whakaora

E whā ngā takiwā o te motu kua āta tirohia i roto i tētahi pūrongo a te Ope Whakaora me te whakatau, kei raro rawa ēnei takiwā e putu ana.

I karu hōmiromiro te pūrongo nei i ngā wāhanga e whā, arā te tangata, te pūtea, te oranga o te tamaiti me te noho marutau o te hapori. Heoi, he pūrongo kāhore e whakakahoretia ana e te Minita Whakatipu Ohaoha, e Steven Joyce.

E mea ana te pūrongo "Mixed Fortunes" a te Ope Whakaora kua mahue ake ētahi rohe o te motu, ā, ko te tuku moni me te kimi rawa pea te rongoā.

Ko te mātauranga, te mahi, te mahi hara a te taiohi, me te kaha whirinaki ki ngā penihana ngā tino raru o ēnei takiwā.

Heoi e ai ki te kaituhi o "Mixed Fortunes" a Alan Johnson ko te pae tata anake te aro a te kāwanatanga.

E ai ki te pūrongo ko te pakeketanga haere o te iwi, te āhuarangi, me te kore kore o te mana-rite kei te kitea nuitia, engari kei ngā ringaringa o te kāwanatanga ināianei.