E whai āwhina ana TE Ope whakaora o Aotearoa ki te āwhina i mate pōhara e ngau ana i te iwi

E ai ki Te Ope Whakaora e piki haere ana te pōharatanga i Aotearoa. Ko tōna toru rau, e toru tekau mā ono ngā whānau hōu i kitea e rātou ia wiki i te tau ki muri. Hei tā rātou ko te utu o te noho ki Aotearoa te pūtake o te iwi pōhara hōu nei.

E kīia ana Te Ope Whakarauora e whakatata atu ana ki te take mōrearea, a,  hei tā te tumu o ngā mahi toiora o Te Ope Whakarauora ko te pikinga o ngā utu rēti, penehine, kai hoki ngā mea e pēhi kaha ana i ēnei tāngata.

120,000 ngā tāngata ka whai āwhina mai i te ope whakaora o Aotearoa, 40 paihēneti o ērā he Māori. 

Hei tā Major Waugh kei muri ārai te pōharatanga i Aotearoa nei ka mutu he matarehu te kite. I te tekau mā whā paihēneti o ngā whānau e noho pōhara ana i Aotearoa, he tangata kotahi pea e mahi ana. Tahi i te rima o ngā tamariki o Aotearoa e noho pohara ana ka mutu ko tōna kotahi rau mano tamariki e haukerekeretia ana e te poharatanga, nā kāore pea rātou e tupu haumaru, e tupu ora mai.

Hei tā Major Waugh ahakoa e kore pea e kite, he 40% o ngā whānau katoa o Aotearoa e hiakai ana, Nā whai anō te wākea o te Ope Whakaora kia tautoko i te kohinga pūtea i tēnei tau