E whaia ana te pae tawhiti e te kapa haupoi wāhine o te Raki kia tata

Wikitōria Day

Kātahi te tau momoho ko tēnei mō te kapa haupoi wāhine o Te Tai Tokerau.

Ahatia i toa i a rātau te nuinga o a rātau kēmu, e whakaakona anō ana rātau e tētahi o ngā tino kaiako haupoi o Aotearoa.

Hei tā Angeline Waetford, "He tau tēnei hei whakahōu i a mātou anō, heoi ko te whāinga nui kia eke ki ngā whiringa whāiti.  He mea mīharo kua whai tūranga mātou ki te whiringa toa i te rā nei."

Ko tēnei tukinga ki a Tāmaki Makaurau te kēmu uaua rawa ki a rātau, me te aha, i mārama kitea te take i uru atu ai rātau ki ngā whiringa toa.

Ahakoa he tutukitanga nui te eke ki te tūranga tuarua, tērā hoki te wawata kia eke ai ki te tūranga taioreore o te whakataetae nei hei te tau hōu.