E whakaharatau ana ngā kaihoe me te marama ki Tahiti

Rahia Timutimu

I te tīrama tonu te marama ki runga i te kapa o Ahumai, i a rātou e koke ana ki te whakaharatau.

Tika rā, i te ata hāpara tonu oho ai ngā kaihoe nei kia whai wāhi atu ki te wai, nā te iti o ngā waka kua whakaritea mō ngā whakaharatau ki konei ki Tahiti.

Nō Ahitereiria te kapa o Ahumai, tokorima rātou he Māori, i nuku kē ki Ahitereiria mō ā rātou mahi, engari nā te hākina nei kua kotahi anō ai rātou.

Ehara i te mea ko tēnei kapa te kapa anake i te wai i te ata hāpara nei, he nui hoki ngā kapa nō te kainga i te whakaharatau.

Hei āpōpō rēhi tuatahi ai ngā wāhine, ki ngā rēhi waka hourua.