Government cuts TPP assessment from four weeks to five days

Heta Gardiner

Kei te puku te rae o ngā rōpu āpetihana ki te whakaitinga iho anō o te wā hei āta wherawhera i te nui o ngā tāpaetanga kōrero mō te kawenata TPP. He hekenga taua wā mai i te whā wiki. Nōreira kātahi te hekenga nui ko tērā e Piripi, aa ko te whakahau aa ētahi, he whai wawe te mahi, kia kaua te kaupapa nei te kawea ki te tau pōti.

He marama anō, he whakahē anō, mō ngā tukanga torotoro ki te marea, mō re TPP.

Hei tā mema paremata no Reipa a Nanaia, “Ka hāere tonu aa rātau mahi huna mō te TPP!”

Ko tēnei te hua o te whakaputanga, he rima rā noa e wātea ana, kia werowero atu ngā kaitōrangapū I ngā kaiwhakahāere matua o te kaupapa nei.

E ai ki a  Marama Davidson no te roopu Kākariki, “Me hāere tonu te mahi ki te akiaki ia rātau, ia mātau te Māori ki te tū ki te kōrero, ki te whakahē i te kaupapa o te TPPA.”

Ko ngā mahi muna tētahi āhuatanga e kaha whakahē manawa ana ia ngāi Māori. I nā tata nei i whakaputa motuhake a Te Kāea, te whakahē a Te Puni Kōkiri, ki te whakatau i kaha whakawhirinaki atu te Manatū Aorere kia rātau mō te TPP.

“I hāere huna ngā wāhanga katoa e pā ana ki te tiriti o Waitangi, e pā ana ki ngā momo pātai e pā ana ki te mātauraga Māori, te taiao aua āhuatanga. Kua whai wāhi rātau ki te whakatakoto i a rātau whakaaro e pā ana ki te taraipiunara, ēngari, ahakoa tērā, ka pana atu te kāwanatanga i aua whakaaro,” hei tā Mahuta.

Me ngā whakawhiu he kōkiri wawe te mahi i mua i te tau pōti.

“Ko te whakaaro o ngā mema o Nāhinara, me whakawātea i tēnei mai kaupapa i ngā whakaaro i ngā hinengaro o ngā kaipōti Māori,” hei tā Davidson. 

Kāore te minita Tauhokohoko a Todd McClay i wātea ki te kōrero ki runga kāmera i te rā nei. Ēngari i tuku whakahoki mai tana tari me te kī, "Ko te wā e whai wāhi te whakaetanga nei ki mua i te aroaro o te komiti, he roa ake i ngā kawenata katoa o tau kē. Aa ka whai wāhi ia te kaitono, kia rāngona o rātau reo.