Ha tama no Hato Paora e kaha tirohia ana e ngā Rabbitohs

Joseph Lo'se - Photo source: Facebook

He toparua taiea a Joseph Los'e i te kēmu whutupōro, engari, ko te rīki tērā e matea nuitia ana e ia.

He awhero nui whakatata mai ana, ki tēnei taitama tekau mā rima ngā tau te pakeke. Kei te whai ia i ngā tapuwae o tōna tuakana a PJ Los'e, kua hono kē ki te rōpū rua tekau ngā tau ki raro iho o ngā Rabbitohs.

Kua whai waahi ia ki te tira Harold Matts, ka tūtaki atu anō ia ki ōna hoa Pi'ipi'nga ki reira, ara ko Mawene Hiroti me tana teina a Haimona. Ko Paora Noble tētahi anō tauira o mua, engari, i hono atu ia ki ngā Titans.

I ngā tau o mohoa nei ko ngā Rabbitohs te tira e ngana ana mō te taitara toa, nā reira, ka upoko pakaru te whiu a Joseph ki mua i te aroaro o ngā Rabbitohs kia āhei ai ia te tākaro ngātahi me tōna tuakana i te aro-a-kapa.