Hakoa ngā tatauranga, e kitea tonutia te nui o te hunga kāingakore ki Rotorua

E ai ki ngā tatauranga a Te Manatū Whakahiato Ora kua heke iho ngā tatauranga mo te hunga whiwhi penihana ki Rotorua. Heoi ki tā tētahi kaihāpai i te hunga kore kainga ki Rotorua, kei te kaha kitea tonu te hunga kore kainga ki runga i ngā tiriti.

E whakarite ana a Love Soup Rotorua i ēnei pāka kai hei whāngai i te hunga kore kainga, te nuinga o rātou he hunga whiwhi penihana, heoi kei te rongo tonu rātou i ngā taumahatanga.

E ai ki nga tatauranga a Te Manatu Whakahiato Ora I te paunga o Hakihea i tēra tau whitu mano, wha rau ma ono te nui o te hunga whiwhi penihana i Rotorua.  Hei tā Gina Peiffer he uaua te whiwhi penihana mo te tokomaha o te hunga rawakore. 

Kei te tauawhi a Love sleep i te hunga kore kainga me te hunga moe i ngā koraha. Koinei te hunga kei te rongo i ngā taumahatanga, ētahi kei te moe ki o rātou waka me ngā wāhi haumaru rānei.  

Te nuinga o rātou kei te kimi mahi, heoi ko te penihana to rātou oranga.  

Ki tā Gina Peiffer anō kāre e taea e te penihana te whāngai i te hunga kore kainga. Hei tāna koira te take e nui ake ai nga whānau kore kainga.