Hamilton City Tigers prepare for Grand Final

Rahia Timutimu

Kua wikitōria te kapa Hamilton City Tigers i ā rātou tukinga katoa i te whakataetae rīki o Waicoa Bay i tēnei tau. Ko rātou te kapa i toa whakaihuwaka i tēra tau, ā, ko tā rātou hiahia kia wikitōria i tēnei tau, i tā rātou tukinga ki te kapa Pacific Sharks, nō Tokoroa, ki te whiringa toa āpōpō.

He wairua harikoa e rangona ana i te whakaharatau whakamutunga a ngā Hamilton City Tigers.

E ai ki tetahi kaitakaro o te kappa Tigers a Eru Keepa, “Pai ngā āhuatanga i roto i tēnei tīma, kua tae ki tenei wahanga o te tau i nga tau ki mua, kua waea matou ki tera ahuatanga, no reira, kare i reira nga amaimai, kei reira te hihikotanga, e pehi nei ia matou.”

Me harikoa te kapa, ka tika, inā hoki, i mīere i a rātou ngā kapa katoa i tēnei tau.

“I don’t think there’s a particular secret, just commitment, hard work, passion for the club,” hei tā te kapene a Tamainui Huirama.

Ko ngā Taika ngā toa whakaihuwaka i te whakataetae WaiCoa i tērā tau.

“I toa matou i tera tau, engari tera te whakataetae waikato, he whakataetae hou tenei, me kaha ake pea,” hei tā Keepa.

Hei ēnei rā whakangā tuki atu ai rātou ki ngā Pacific Sharks, nō Tokoroa, ā, kaore rātou mō te tuohu noa.

“Mohio matou, ka puta kaha mai ratou. He nui a ratou poumua, no reira he pakanga nui ta matou i tenei wiki,” hei tā Keepa.

“They were only one point behind us in the round robin, and that was a close game in itself,” hei tā Vaughan Calcinai te kapene tuarua.

Nō te kapa Tigers te mana whenua i tēnei whiringa toa, ērā rā ka tū ki konei ki tō rātou nā kāinga o Resthills.

Hei tā Calcinai , “Were just lucky we got the points everytime, we stuck in there and played out the 80 minutes which was a key for us this year.”

“E waea ana matou ki tenei whira, te taiao, koinei to matou turangawaewae. Kia kaua e turaki ki ta matou turangawaewae,” hei tā Keepa.

Hei apōpō tū ai te pakanga nei.