He aha i Māori ai te Māori? E whakanui ana Te Whare o Tāmaki Makaurau i tērā āhua

He aha nei te āhua o te māori noho tāone i ēnei rā? E hia rau ngā tauira kua whakarauika atu ki Tāmaki Makaurau hei whakanui i te ahurea māori ma te waiata, kanikani me te kai i te Rā Māori a tau tuawhitu i te ki te Whare Wānanga o Tāmaki Makaurau. I kōrero tā mātou karere a Rukuwai Tipene-Allen ki ētahi o ngā tauira mo te māori e noho ana ki te taone.

Koni atu i te toru mano ngā tauira Māori i te Whare wānanga o Tāmaki Makaurau nā he rā tēnei e taea ai e rātou te whakaatu mai i tō rātou Māoritanga
Hei tā Tauawhi Bonilla o Ngāpuhi, o Ngāti Porou, "Tērā āhuatanga e wairua Māori ai te katoa kaua noa iho ko ngā māori noa iho engari ko ngā tāngata katoa e hiahia ana te ako, ngā tāngata e whakamīharo ana ki ngā āhuatanga o te Ao Māori."

Erangi he aha i Māori ai te Māori?

"Whakapapa, ko te pepeha ko te reo Māori," "Te Tuatahi ko tōna reo," "ko te reo, te whakapapa, te mōhio ki te kāinga te hoki atu ki te kāinga," "Whakapapa, ko te tuarua ko te whakatinana i tērā whakapapa."

I te wehetanga i ō rātou kāinga, ko te whare wānanga tērā kua kāinga rua mai. Hei tā te tumu takirua o Ngā Tauira Māori, he tā Mohi Allen, "He tū i tēnei wāhi mō te māori kia whai i ērā huarahi, te reo Māori, te whakapapa, te mōhio ki te kāinga, heoi no ki ētahi o mātou he kāinga rua tēnei i a mātou e kore e haere atu ki te kāinga tahi. ētahi mātou he ahitere he ahimatao , kia ahikā pea i te whare wānanga."

Ko tōna 300 ngā tauira kua rēhita ki te rōpū o Ngā Tauira Māori, ā, hei te tumu takirua ka whātoro te kaupapa ki ngā iwi katoa.
Hei tā Allen, "ko tā mātou o ngā tauira māori he waihanga i tētahi wāhi e Māori ai te tangata i konei." 

Hei te pō nei tae atu ai a Troy Kingi raua ko Aaradhna ki ngā whakanuitanga.