He āwhero kore ngā kāitākaro o Ahitereiria tā tētahi kaiwhakataki kirikiti

E whakahē ana te kāpene Rarauhe mā o mua, kaiwhakataki kirikiti anō hoki a Maia Lewis i ngā mahi whakaware a ngā kaitākaro o Ahitereiria i mau ki runga kamera e raweke ana i te pōro i te tukinga ki a Awherika ki te Tonga i ngā rangi okioki.

Ko tēnei whakaataata o Cameron Bancroft e whakairi ana i te rīpene ki runga i te pōro kua whakararu nei i te ao kirikiti. Hei tā Maia Lewis he mea āwhero kore.

I whakahekea ngā kāpene a Steve Smith me Dave Warner nā rāua te mahere kiriweti, mai i a rāua tūranga. Ka whakatahangia a Smith mō te tukinga kotahi, a ka whaine a Bancroft i te whitu tekau ma rima paiheneti o tana whiwhinga pūtea. Hei tā Lewis, he mea māteatea ki tō rātou whenua.

Ehara tēnei i te wā tuatahi kua mau kiriweti ngā kaitākaro. I te tau rua mano tekau ma ono, mau ai a Francois Du Plessis o Awherika ki te Tonga e mirimiri rare ana ki te pōro.

Ahakoa ngā whakawhiu ki ngā kaitākaro Ahitereiria, tēra ngā nawe o te hunga pae pāpori e mea ana he ngāwari kē ngā whakawhiu o ICC ki ngā kaitākaro kiritea.

Hei tā te kāpene Rarauhe Mā o mua kua nā te take nei kua whakapirau i ngā whakatutuki puta noa.