He ekenga nui whakaharahara mā tētahi tama 10 tau te pakeke

Kua roa a Ethan Hayes nō te Wairarapa e whakariterite ana mō te 40th Lake Taupō Cycle Challenge ka tū hei tēnei Rāhoroi. Me te aha anō ko tōna whāinga nui kia kohi pūtea mō Heart Kids New Zealand.

Ko tēnei tau te tau tuawha kua uru atu a Hayes ki tēnei kaupapa, ēngari, ehara tēnei tau e rite ana ki ngā tau o mua, i te mea kua kimi tōna tākuta he rua iti ki roto i tōna manawa. Engari ko te painga, ā tōna wā ka whakakīngia te rua e tōna ake tinana.

Kua kohi tēnei tamaiti hīkaka e hia mano taara mō tēnei kaupapa i ngā tau e whā kua taha ake nei, ā, kei te kohi pūtea tonu I tēnei wā me te wawata ka eke anō ia ki te $1000 i tēnei tau.

Ko te wawata nui o Hayes kia riro ia i te tūnga world champion cyclist, ēngari i mua i tērā he whāinga nōnā ki a pakaru I te mauhanga tahi haoura o te ao mo tōna pakeke mo te eke pahikara hei te tau e tū mai.

Titiro ki tōna whārangi ki konei: https://cycleforheartkids2017.everydayhero.com/nz/hayes