He hapori i te tonga o Tāmaki e tūpato ana i tētahi kaupapa hanga whare hōu

Ko te ratonga oranga hinengaro, mate waranga hoki, ko Mahitahi Kāinga Trust, kei te whakatū whare, e whā tekau mā tahi te nui pātata ana ki tētahi kura, kura kōhungahunga anō hoki. 

E tū ana ngā pihi o ētahi nō te hapori i Ōtara e māharahara ana mō ā rātau tamariki me ō rātau whānau. 

Ko Jane Loto te heamana o ONAC (Otara Network Action Committee) kua 30 tau e mahi ana i roto i te hapori nei. Ahakoa e whakaae ana a ONAC ki te kaupapa, kāore rātau e pai ki te korenga o te whai wāhi atu o te hapori ki te kaupapa nei i kōkiritia i ngā tau e toru ki muri. 

"No community consultation or engagement with the Otara community was made prior to the day they started to demolish the existing 2 dwellings on the site and the trees being cut down, by means of a drop off box letter from Mahitahi Trust to the nearby residents - this was the first engagement the Trust made with the community. 

"This letter states that this initiative has been over three years of planning and the first engagement with our community was the day it started.  This letter alarmed the nearby residents with the concern for the safety of their family and neighbors."

Te mahere whare e whakatūria ana ki te kokona o Franklin Rd, Otara, Tāmaki. 

He hui i tū i te 18 o Noema kia kōrero tahi a ONAC, ngā mema hapori rātou ko Mahitahi e pā ana ki te kaupapa whare nei.

I tono atu a Te Ao ki te Poari o Mahitahi Kāinga Trust mō te hui, ā ko te whakautu:

"Ehara ēnei whare i te whare mō ngā mauhere o mua, ngā kaitaitōkai me ngā tāngata ka noho taupua noa. Ka whakamātauria rawatia e mātou ngā kaitono kia kore rawa ai te tūkinotanga e puea ake i ngā whare."

Heoi, ko Puti Taufa (Ngāti Hine) anō tētahi e hiahia ana kia kaha ake ai te tarahiti ki te mahitahi me te hapori. 

"Kāore ngā taringa i te whakarongo ki ngā kōrero. Ko tāku, haere mai ki te whakarongo. Tirotirohia katohia ngā kōrero pai, whakakītia o koutou kete, pātaitia ngā pātai, e hiahia ana tātau ki te rongo."

He hui āpiti e whakaritea ana mō te marama e haere ake nei.