He hiahia tā Key kia riro atu te tūru Tai Tokerau i a Harawira

He pērā rawa te tata o te kōwhiringa pōti, karekau a John Key i te paku whakamā ki te tautoko i tana hoariri.

Āe mārika, kei te pirangi a John Key kia hinga a Hone Harawira, otirā, te Pāti Ipurangi me Kim Dotcom.  E ai ki te āpitihana, ko taua tōrangapū paruparu anō rā, ā, he haunga.

Heoi, ehara ko Nāhinara anake e whakaaro pēnā ana.  Kua kōrerotia hoki te rautaki e te Pāti Māori.

Kāti, inā te tata o ngā tatau i waenga i a Harawira rāua ko Davis, ko te pātai nui mēna ka whai pātanga te taunaki a John Key?

Ki te titiro ki te tautoko ā-pāti mō Nāhinara i Te Tai Tokerau i ngā tatau a Whakaata Māori he tekau ōrau, nō reira tērā pea.

Tūturu, he pakanga nui te kōwhiringa pōti, te āhua nei, mō te hemo tonu atu.