He hokinga whakamīharo ki te ao whakaari tā James Rolleston

Tema Hemi

Ko Breaker Upperers te kiriata hōu nā James Rolleston. Ko Jackie van Beek rāua ko Madeleine Sami ngā kaitohutohu.

Ka whakatūwhera ōkawa nei i te kiriata hōu ki te whare pikitia ki Te Tī Tūtahi hei te Pōtū, ā ka puta atu ki ngā whare pikitia huri noa i te motu hei te Rāpare e tu mai nei. 

Kua hoki mai a James Rolleston ki te papa whakaata i muri mai i tana tūtukinga waka engari kei te rite mai ia mo tana hokitanga mai. 

Ko tā Rolleston kōrero, "Āe, he kiriata tino pai ā Breaker Upperers mōku te hoki mai. Kua koa rawa atu au te hoki mai, ā hoki mai ki tōku tūranga hākoakoa."

Ko Jordan tana tuahangata, ā, e kore e tino rerekē ki to James i waho atu i te papa whakaata. 

Anei ko tā Rolleston mo tōna tuahangata, "He tangata kūare ia me tētahi ngākau nui. Kei raro ia e putu ana nā tana hiahia kia whakawehe i tana ipo arā ko te tuahangata tēra nā Ana Scotney. Kātahi ka whai ia i te āwhinatanga i te tuahangata nā Jackie me Madeleine kei a rātou he rātonga kia whiwhi pūtea rāua mo te whakawehe i ngā hoa takirua."

Rua tekau te pakeke a James he maha ōna tuahangata hēoi ko tāna kia whai atu i tētahi atu huarahi.

Ko tāna anō, "Ko taku kiriata pukuhohe tuatahi tēnei, kei te tino hari koa ahau me te whakamahi i tēnei kiriata."

Ko tāna anō ko te mahi i ētahi atu kiriata tana aronga nui. "He maha ngā kaupapa kei mua i tōku aroaro. Ko tētahi ki runga pouaka whakāta ko tētahi atu he whakāturanga. E kore tāea e au te whāki atu hēoi titiro tonu mai ā kia ū tonu mai."

Ka whakamīharo tonu a James i tana kōwhiringa kiriata tuatahi, "Ko Boy taku tino. He whakahirahira a Boy mōku i te mea koira taku kiriata tuatahi me te mahi tahi ki a Taika Waititi, ā kei whea mai."

Ko tētahi o ana tino hiahia kia hoki atu ki ngā mahi kapa haka i te mea he mahi motuhake tēna mōna, "Ko taku tū mō Ōpōtiki mai Tawhiti he wheakotanga e kore au e wareware. Ko wai ka hua ko wai ka tohu tērā pea ka kite anō koutou i ahau e tū atāmira ana hei tōna wā."