He ingoa Māori kua whakaritea e te Kaunihera ā rohe o te Waiariki

Bay of Plenty Regional Council

Ko ‘Toi Moana,’ te ingoa hōu ka whakamahia e te Kaunihera ā rohe o te Waiariki 

E ai ki tētahi pānui pāpāho a te Kaunihera kua roa nei rātou e whakawhitiwhiti kōrero ana ki te rapu i tētahi ingoa Māori.

Ko tā te heamana o te Kaunihera ā rohe, ko Doug Leeder e whakapono ana ia he kaupapa whakahirahira mā rātou te kimi i tētahi ingoa Māori tika mo ngā Iwi Māori maha e noho ana ki tā rātou rohe. 

Ko tā Leeder, “Kua hui tahi mātou katoa ki te kimi whakaaetanga mo te ingoa tika, inā ko te katoa kua whakaae ko tēnei taua ingoa." 

"E mōhio whānuitia ana ko te rohe o te Waiariki, te wāhi o Te Moana a Toi, he māmā noaiho mo ēra e mātatau ana ki te reo ki te whakahua i te ingoa hou." 

Ko te kupu Toi , te ingoa o tētahi o ngā mātua tupuna o te rohe, ara ko , Toi Te Huatahi, ko Toi Kairakau.

Ko te kupu Moana e whakanui ana i ngā one o te rohe, ko ngā roto me te moana hoki. 

Ko te tūmanako ka rata atu te nuinga ki te whakamahi i ngā kupu e rua mo te wāhi.