He kaimahi ō mua anō o Te Rōpū Taurima kua tū mai ki te korero

updated
Te Rōpū Taurima o Manukau Trust

I kōrero ake a Tony Tietie, he kaiwhakahaere o mua o Te Rōpū Taurima o Manukau ki a Native Affairs e rua wiki ki muri. 

Nāna ētahi nama, kīhai i tika, i tūhura ake i ngā pūtea a te tarahiti kaupapa Māori, ā, i haria ki tōna rangatira ki reira whakatakoto atu ai ōna āwangawanga i runga i te whakaaro tika, engari kē i panaia ia i tōna tūranga.

Ināeanei, kua puta ake tētahi kaimahi o mua anō, ā, kua whakaputa āwangawanga hoki te kaiwhakahaere pūtea tuakana a Annie Du.

I mahi a Annie Du ki Te Rōpū Taurima mō ngā tau tekau, ā, he tino āwangawanga ōna mō ngā whakarite pūtea ki te taha ki ngā rawa a te tarahiti, he āwangawanga nāna i hari ki te mana whakahaere.  Heoi, i panaia hoki ia.

I panaia a Annie Du ahakoa rā te kaupapa here a te tarahiti e tiaki ana i te hunga whakaara āwangawanga.

Kei te whakahaere ōtita te Manatū Hauora ki ngā whakahaere a te tarahiti.  He kaimātai nama me tētahi kaitohutohu ki te poari kua whakatūria.