He kaipapāho Māori ka tau ki Global International Film

Regan Paranihi

Kua riro e te kaiwhakaihuwaka kaipapāho kiriata Māori e Renae Maihi he wāhi pāho I ana kiriata ki te hui ahurei o Global International Film, ā, tokorua āna kiriata reo Māori ka pāho

Ko ngā kiriata e toru ka pāho atu ki tēnei hui ahurei ko Mannahatta, Ka Puta, Ko Au me Waru.

I rīkoata e Maihi I te kiriata Mannahatta ki Te Āporo Nui i a ia e whakapakari ana I ōna pūkenga papāho. Na Te Tumu Whakaata Taonga me Te Taraihi Mātauranga o Ngāti Whakaue ia i whakawhiwhi ki tēnā. Ko te pūtake o tēnei kiriata he tūtohu ki ngā tāngata taketake o tērā whenua I ngā tau mano kua taha ake nei.

He kiriata poto, he kiriata Māori anō hoki a Ka Puta, Ko Au. I waihanga e Maihi me ētahi atu kaipapāho kiriata Māori I roto I ngā haora 72 kia whiwhi tūranga ki te hui ahurei o Māoriland Film, ā, kua rite mo te whakarewatanga taiwhenua ki te hui ahurei ImagineNATIVE ki Kanata hei te marama nei.

Ko Waru te tuatoru o ngā kirirata ka pāho ki tēnei hui ahurei. He kiriata tēnei I hanga mai I ngā kiriata poto e waru, ā, ko tētahi o ērā kiriata na Maihi i hanga ko Ranui.

Kua roa a Maihi e haerere haere ana ki ēnei momo hui ahurei, mai I te tau 2010 I te wā i wikitōria te kiriata nāna rātau ko Katie Wolfe, ko Tim Balme I tuhi I te tohu best film.

Hei tēnei marama ia ka haere ki Kanata mo te pāho o āna kirirata ki te hui ahurei o ImagineNATIVE.

Kua ihu oneone e Maihi kia kōunga ōna pūkenga kaipapāho, nō reira kua tae mai te wā mōna kia aro ki te umanga kaipapāho taiwhenua. E hikaka ana ia ki a whakamahi I ōna pūkenga maha mō tōna kaupapa e mahi ana ia I tēnei wā, ā, ko te manako ka whai wāhi ki te tūtaki, ki te mahi anō hoki me ngā kaipapāho huri noa I te ao.