He Kākahi horoi kōawaawa

Te Kuru o te Marama Dewes

Rua rau ngā kākahi nō ngā roto o Parangarahu me te Moana o Wairarapa, kei te hūnuku ki tētahi wāhi haumaru. Hei tā Pascale Mischel o Te Māra ā Tāne, kei te mate haere ngā kākahi.

He ika waitī te Kākahi, ā, he tino hira mō te horoi i ngā wai paruparu.

Ko tā Pascale Michel, “Today we're here for the Kākahi translocation, and it's to bring back the Kākahi to Zealandia, but it's also part of a bigger project which is looking restoring waterways in the Kaiwharawhara catchment.”

Kai te mahi tahi Te Māra ā Tāne, a Taranaki Whānui, a Rangitāne o Wairarapa rātau ko Ngāti Kahungunu anō hoki.

Hei tā te kaikōrero o Taranaki Iwi Whānui hei tā Holden Hohaia, “Kia mahi tahi mātau te mana whenua me Zealandia hoki kia ora ai te mauri o te Kaiwharawhara.”

Hei tā te kaiarahi pūtaiao hei tā Amber McEwan, kotahi rīta ka horoia e te kākahi kotahi, i te haora kotahi.

“They have an amazing filtering capacity so they filter feed and while they suck in the water the fix particles out of it so they can take dirty water and make it clean again,” te kī a McEwan.

Hei tā Hohaia ko te wawata ia whai hua anō te pātaka kai a ngā iwi.

Kia tae te wā ka taea e tātau katoa nā te huahua o tēnei kākahi tēnei kai te kākahi te hauhake te kohikohi hei kai mā tātau,” tā Holden Hohaia.

Ko tā Pascale Michel ko tēnei te mahi tuatahi, ā, tekau tau te roa o te rautaki whakarauora i te awa o Kaiwharawhara.