He karo i te mahi whakamomori a ngā taiohi te wawata o Haka 4 Life

Ko Haka 4 Life, he kaupapa tautoko tēnei kia haukoti i ngā mahi whakamōmori ki waenga i te rangatahi.

Hei tā Ariana Cudby o Ngāti Porou, “I te tau 2011, i mate taku whanaunga a Tegan ki te mate whakamomori.  Koirā te mutunga iho mōku ake, nā whai anō taku hiahia kia aukatia tēnei momo mate."

Ko Ariana tētahi o ngā tāngata tekau mā tahi kua tohua e te pōari kaitiaki 'Key to Life', kia kohi i te kotahi mano tāra i roto i ngā iwa tekau rā. 

He rōpū e hāpai i te hunga rangatahi kia kore e tū te whakamōmori ki waenga i tērā reanga.

Ko te ito o tēnei kaupapa kia whakaatu, kia tuku pūtea hoki ki te whārangi pukamata o Haka 4 Life i tēnei wā he nui tonu te tautoko. 

Hei tautoko i tēnei kaupapa kua whakatakotohia e te kura tuarua o Kaitaorotohokahoka i te wero.