He kemu whutupōro e whakahonore ana i a Jordan Kemp

E mōteatea tonu ana te whānau o Jordan Kemp, te rangatahi e tekau mā whitu tau te pakeke, i mate i muri mai i tāna kēmu whutupōro kotahi wiki ki muri i tētahi wharanga mātengatenga.

Hāunga rā kua hoki manawatīna mai tōna whānau me ona hoa ki te whakanui, ki te whakamaumahara i tā rātau tama, i te tukinga o tana kapa Otamatea Hawkes ki a Horahora, i tā rātau ake tūrangawaewae i Maungaturoto.

E noho orite ana ngaa tira e rua o Otamatea me Horahora ki te turanga tuawha i te tēpu whakataetae, noreira kaore he whāinga i tū atu i te whakahinga i a Horahora ma Otamatea.

I hoki katoa mai te whānau whānui o Jordan, ētahi no Ahitareiria, mō te tangitanga tonu, engari kua noho mai ratau mō tēnei kēmu, mō te tūpono, kaore he mahi i tū atu i te tautoko i tona kapa, i te kēmu e kaingākaunuitia ana e ia, kia whakamana, e whakanui ano i to rātau tama pito mata.