He mahere rautaki whakatikatika i te taiao o Te Matau a Māui

Ko te whakatikatika i te taiao i te rohe o Te Matau a Māui te aronga nui o te perene o Te Kaunihera a Rohe o Te Matau a Māui mō ngā tekau tau e heke mai nei. Ko tā te heamana o taua kaunihera, tē tāea e rātou te tutuki i o rātou whainga a-taiao mehemea ka kore rātou i te mahi tahi me ngā tangata whenua.

"I ngā tau 150 kua kaha tope rākau, he mea tere rawa o ngā whenua katoa i te ao, kua kaha patu te whenua i te mahi ahuwhenau. Kua pokea te nuinga o ngā awa, e rua noa iho pea ngā awa e ora tonu ana i Te Matau a Māui, heoi kei te poke katoa o harono o Ahuriri," tā Rex Graham, heamana o te Kaunihera a Rohe.

"Ko te raru ia, i roto i ngā tau kua hipa nei e hia ngā tau ki muri ko taku titiro nei kāore te kaunihera a rohe e tino whakaaro nui ki te pūtaiao nō reira kua riro mā tēnei reanga te whakaea i tērā utu," tā Bayden Barber, kairēti.

Kua pokea te arawai maha i te rohe, tē tāea te kaukau i ngā awa, kua piki mārika hoki ngā paitini e.coli i ngā wai i ngā tau, ko te whai kia whakamāori anō te wai.

"Kāore e raru tua atu i te paru o te wai,"tā Meka Whaitiri, MP Ikaroa Rawhiti.

Heoi, kei te whai pūtea rātou ki te whakatikatika i aua raruraru, ka whakapiki ake rātou i ngā rēti i te rohe katoa, mā te kōtahi tara ia wiki ki ia whare.

"Kāore i te nawhe, ka tono mātou mō te pūtea tārewa kia whakaea i te kaupapa, ka piki ake ngā rēti mā te rima tekau tāra ia tau," tā Graham.

"Kia au nei he mea pēhi nei te hunga pohara he mea pēhi nei ki te hunga kāore e tāea te whakaea i ērā o ngā utu," tā Barber.

E rima wiki te roa o te wā whakawhitiwhiti kōrero, ko tā Graham ka mahi tahi rātou me ngā roopu Māori maha otira kua whakatūngia e rātou he roopu māori o ngā marae katoa e whakapapa ana ki te awa o Karamu.