He mana nui tā te kapa Rarauhe Hiriwa

E ai ki te ika a whiro o ngā Rarauhe Hiriwa, a Jodi Brown, he āhua mata whawhati tā tōna kapa, ā he mana nui pea tā rātou ki te whakataetae o te ao e tū ana hei te tau nei.

I tae mai ngā Rarauhe Hiriwa ki Te Whanganui a Tara i tēnei rangi, ā kua wātea mai ngā pari tākaro mō te whiwhi i mua i te tukinga ki Whītī.

Hinga atu he toa, ara mai rā he toa.  Tūwhitia te hopo.

I te rangi nei i kite mātou i a Brown e taituara ana i a Bailey Mes ki te porohita.

Hēoi ka kite pea tātou i te whetumaiangi nei a Malia Paseka i tōna kōkuhunga tuatahi ki a Whīti.

Engari ko te whakapae ka kite mātou i a Maria Tutaia rāua ko Bailey Mes ki te porohita, ka noho a Paseka ki te pae hihiri.

E tūmanako ana ia kia tū ki te papa tākaro mō tētahi manuhiri hirahira.

Hei āpōpō ka tuki atu ngā Rarauhe Hiriwā ki a Whīti ki te taiwhanga o Te Rauparaha ki Porirua.