He mate whakamomori e tangihia nei e tētahi whānau o te Raki

Kei te poroporoaki whakamutunga mō Daymon Ruka i tona ake kainga no te kitenga ake e ona mātua tona tinana i atatū o nanahi.

Hei tā Moses Cherrington, “Ko te mea kē ko te taimahatanga i roto i tēnei ao paheketanga e kore e tāpu engari ma tātou katoa e titiro e rapu mehemea kei roto te aroha i roto i ēna o a tātou taitamariki.”

E tekau ma ono ngā tau a Daymon ka riro nei, ā,  ohorere katoa ana te whānau me te hapori whānui.

E ai ki a Tatau Aotearoa, kua heke iho te maha o te hunga mate whakamomori i roto i te tau kua pahure ki te rima rau rua tekau mā iwa.

Ā, mō te reanga o Daymon mai i te tekau mā rima ki te tekau mā iwa tau, kua haurua hoki ngā tama Māori whakamomori i roto i te tau kua pahure.

E rapu tonu nei te rongoā mō tēnei mate e mahue ana i ngā whānau me te pōuritanga nui ki runga i o rātou pokowhiwhi.