He mētara koura te hiahia

Ko Westerly Ainsley, tauira no Te Wharekura o Mauao tētahi o ngā kai-mamau ka whakakanohi i a Aotearoa ki ngā taumahekeheke o te ao mo te hunga rangatahi hei te Whiringa-ā-nuku.  Kō atu i te whā mano nga kai-hākinakina no whenua rua rau ma ono ka whai wāhi ki roto i tēnei huihuinga te Buenos Aires Youth Olympic Games.

Kua puta ai ngā toa mo te mamau mai tēnei karapu mamau ki Katikati.

Tekau mā ono te pakeke o Westerly Ainsley, a, koia tā rātou mema ka whakakanohi i a Aotearoa ki Āketina i tēnei tau.

“Ka whakaharatau ia rā, ia rā, ka whakaharatau ki Tauranga me tēnei karapu ki Katikati, ae, ka oho au ia ata ki te whakapakari i toku tinana”.

Koia tētahi o ngā kai-mamau tokowhā ka whakakanohi i a Aotearoa ki ngā hākinakina taumahekeheke rangatahi o te ao.  

Hei tā Ross Tanner, kaiako matua ki Katikati he mea toko ake te mamau ki roto i te whānau.

“Kua mahi mamau ia me ana tuakana ki te kāinga ka tae ki tō rātou whare, arā, rātou ki runga i te pekepeke e mahi ana i te mamau, kei a ia ngā pukenga ki te anga whakamua”.

Kua rima tau a Ainsley e mahi mamau ana, engari he huarahi nui tonu kei mua i a ia na runga i tēnei hōnore kua tau ki runga i a ia.

Ki tā Tanner anō, “Kaore mātou e rongonui ana mō tēnei hākinakina na te mea he whāiti noa ngā kaiwhakataetae engari ki te pīkau ia i ngā mahi mo tona reanga ka tāea”.

Hei te Whiringa-ā-nuku tu ai ngā hākinakina taumahekeheke rangatahi o te ao.